Dell lançon laptopin Inspiron Mini 10

Kompania Dell është duke u përpjekur ta rrisë shitjen duke i ofruar laptopët e vegjël Inspiron Mini 9 së bashku me serinë e re Dell Inspiron Mini 10. Ndërkohë që kjo seri e laptopëve do të dalë në shitje në ueb faqen zyrtare të Dell (dell.com) më 26 shkurt.

Mini 10 ka një mori tiparesh. Peshon 1.3 kilogramë, është i gjërë, ka ekran 10.1 inç dhe ka tastierë shumë të përshtatshme. Ky model vjem me 1GB ram memorie, sistemin operativ Windows XP, Wi Fi dhe webcam.

Mini 10 ka një port HDMI, beneficionet e të cilit janë shumë të kufizuara, përveç nëse planifikoni të merrni high-definition video në harddiskun prej 160GB.

Ndërsa tipare tjera që do t’i shtohen këtij laptopi gjatë vitit janë edhe digital Tv Tuner dhe rezolucioni high-definition. Një gjë shumë interesante për këtë lloj laptopi është se ai do jetë i mundshëm në 6 ngjyra: të bardhë, të zezë, të gjelbër, të kaltër, të kuqe dhe ngjyrë pembe.