Linux nga Kuba

Për të hequr qafe varësinë prej softuerëve nga Shtetet e Bashkuara të Amerikës, Kuba ka lëshuar versionin e vet të sistemit operativ Linux.

Linuxi kuban bart emrin Nova, derisa ai është paraqitur në Havana, në konferencën e cila temë kryesore ka pasur integriteti teknologjik.

Nova është i bazuar në distribucionin Gentoo të Linuxit, e do të duhej të jetë baza e iniciativës së qeverisë kubane që të zëvendësohet softueri i Microsoft i cili sillet në shumicën e kompjuterëve në Kuba.

Në fakt, kubanët e vlerësojnë softuerin e Microsoftit si rrezik potencial për siguri të vendit duke marrë parasysh se besojnë që shërbimet sekrete amerikane kanë qasje në kodin burimor dhe mundësinë e qasjes së paautorizuar në sisteme. Për shkak të embargos amerikane problem është edhe blerja e ligjshme e softuerëve dhe përditësimi i arnimeve përkatëse.

Shitja e lirë e kompjuterëve në Kubë ka filluar vetëm vitin e kaluar, e vlerësohet se aktualisht 20% e kompjuterëve janë të bazuar në Linux.

Disa ministri dhe universitete kubane tanimë kanë kaluar sistemet e tyre në Linux, mirëpo një numër i caktuar i kompanive qeveritare ende kundërshtojnë tranzicionin për shkak të kompatibilitetit e aplikacioneve të cilat i përdorin.

Pritet që për pesë vitet e ardhshme Nova do të instalohet në mbi 50 për qind të kompjuterëve kubanë.