ZTE për Vodafone lansohet javën e ardhshme

Një telefon i mençur me Windows për Vodafone do të lansohet javën e ardhshme nga ZTE e Kinës në Mobile World Congress. Vodafone 1231, disa nga detajet e të cilit janë bërë publike përmes Federal Communications Comission, është një telefon GSM me përkrahje EDGE, tastierë QWERTY, gjithashtu aparatin me 1.3 megapiksel dhe GPS (Global Positioning System).


Ky telefon do të jetë një nga dhjetë pajisjet e reja të dizajnuara nga ZTE të cilat do ë prezantohen në panairin Mobile World Congress që do të mbahet në Barcelonë. Më shumë informata rreth kësaj pajisje mund të priten javën e ardhshme. Çmimi për telefonin nuk është bërë i ditur.