Facebook zhvendoset në celularë

Shërbimi më i popullarizuar për shoqërim, Facebook, që një kohë të gjatë mund të përdoret në pajisjet të cilat mbështesin nevojën për shërbimet e këtij lloji, mirëpo përfaqësuesit e këtij rrjeti shoqëror kanë plane më të mëdha për zhvendosjen e Facebookut në celularë.


Përfaqësuesit e Facebook aktualisht janë në negociata me Nokian finlandeze. Sipas marrëveshjeve të pavërtetuara, përdoruesit e Facebook të cilët posedojnë celularë të këtij prodhuesi automatikisht do të shihnin statuset online të miqve të tyre, të cilët janë të ruajtur në adresarin e celularit. Në të njëjtën kohë, nëpërmes celularit do të mund të dërgojnë porosi apo komente në faqet e tyre në Facebook.

Pjesa financiare e marrëveshjes e cila është në vazhdim e sipër nuk janë zbuluar, derisa asnjëra prej kompanive nuk ka dëshiruar të komentojë këtë çështje.

"Facebook punon në bashkëpunim me operatorët mobil në mbarë botën në mënyrë që të integrojmë sa më mirë shërbimet e tij me pajisje përkatëse", është e vetmja gjë që u ka deklaruar mediave zëdhënësja e këtij shërbimi Brandee Barker.

Në anën tjetër, ka shumë thashetheme të cilat flasin se Facebook bashkëpunon ngushtë edhe me Palm e Motorola që shërbimin e vet ta ofrojë edhe në pajisjet e tyre.


facebook.com