Acer – plane ambicioze

Për këtë vit Acer parashikon shitje të mirë të netbookëve - pritet që 25 deri në 30 milionë njësi të shitura të të gjithë prodhuesve.

Pasi që për shitjen e netbookëve ia kanë kaluar edhe prodhuesit Asus, në Acer edhe më tutje parashohin mbajtjen e pozitës udhëheqëse. Sipas përllogaritje të tyre, kompania parasheh se deri në fund të këtij viti globalisht do të shiten 25 deri në 30 milionë njësi të netbookëve nga të gjithë prodhuesit.

Kompania Acer shpreson se nga ky numër 40 deri në 50% do të janë netbookët e saj. Për shkak të mbajtjes së teknologjive të dëshiruara, çmimit të ulët dhe dimensioneve të vogla, kompania nuk do të paraqes modele me diagonale më të mëdha se dhjetë inç. Edhe pse shpresa të mëdha janë bazuar në modelin e ri, Aspire One prej 10-inçësh, modeli 8.9-inçësh edhe më tutje do të mbetet në shitje.

Për vitin e ardhshëm pritet shitja e 40 deri në 45 milionë netbookëve. Sa për krahasim, gjatë vitit të kaluar janë shitur gjithsej 14 milionë kësi laptopë të vegjël.