Netbookët e Asus në Android?

Sipas shefit të njësisë për Eee PC, ekipi i inxhinierëve të kompanisë Asus është duke punuar në zhvillimin e netbookëve të cilët do të shfrytëzonin sistemin operativ Android nga kompania Google.


Në një intervistë për “Bloomberg”, shefi i njësisë së Eee PC të kompanisë Asus, Samson Hu, ka njoftuar se Asus tanimë ka një ekip të inxhinierëve të cilët punë primare kanë të përgatisin netbookun i cili në vend të sistemeve të rëndomta Windows apo Linux do të përdorte atë Android nga Google.

Se çfarë do të ishte qëllimi i një projekti të tillë dhe kur do të mund të ishte i gatshëm netbooku me Android, nuk është e njohur.

Megjithatë, sipas burimit të njëjtë, edhe nëse arrihet të bëhet një gjë e tillë, nuk është e sigurt se më të do të dilet ndonjëherë në treg, respektivisht, tani për tani po punohet vetëm në projektin intern i cili do të duhej të tregojë nëse një gjë e tillë është e mundur, funksionale dhe që ia vlen nga aspekti financiar.