Facebook çdoherë e më i popullarizuar

Rrjeti i popullarizuar shoqëror Facebook tani ka 175 milionë përdorues. Këto informata i ka publikuar Dave Morin, një nga të punësuarit e Facebook, si dhe ka konfirmuar zgjerimin çdo ditë e më të madh të këtij rrjeti.


Facebook para afërsisht një viti ka tejkaluar shifrën e 100 milionë përdoruesve, derisa 150 milionë kanë qenë para diç më shumë se një muaj. Shumica e përdoruesve të ri vijnë nga kufijtë jashtë Shteteve të Bashkuara të Amerikës, e vet madhësinë e rrjetit na e përshkruan edhe vet themeluesi i rrjetit Mark Zuckerberg.
Ai pohon se Facebook në korniza shtetërore do të ishte shteti i tetë në botë për numrin më të madh të njerëzve në botë, para Japonisë, Rusisë dhe Nigerisë.

Numri i madh i përdoruesve sjell me vete edhe shpenzime të mëdha për mirëmbajtjen e serverëve, veçanërisht jashtë SHBA-ve. Për këtë arsye Facebook edhe më tutje është duke kërkuar investitorë edhe pse thekson se kompania edhe tani është në gjendje të mirë financiare.